Монгол Улсын Засгийн газар, МҮХАҮТ хамтран жил бүр уламжлал болгон тодруулдаг Монгол Улсын “ТОП 100 аж ахуйн нэгж”-ийн нэгээр Монполимет групп шалгарлаа. “ТОП 100 аж ахуйн нэгж”-ийг шалгаруулахдаа ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн таван үзүүлэлтийг чухалчилдаг төдийгүй харьяа яам, холбогдох төр засгийн байгууллагын статистик мэдээлэлд үндэслэдэг билээ.
Мөн 400 тэрбум төгрөгтэй тэнцэх валютын урсгалыг эх орондоо үлдээж, 1445 га талбайд биологийн болон техникийн нөхөн сэргээлтийг хийж гүйцэтгэн, 300,000 модыг тарьж, ургуулан ойн төгөлүүдийг бий болгон, Монгол Улсдаа анх удаа хүний гараар бүтсэн цэнгэг уст Тосон нуурыг бүтээн байгуулж, шилдэг нөхөн сэргээгч байгууллагаар 20 гаруй жил дарааллан шалгараад байгаа юм.