Монгол Улсын дээд боловсролын сургалтын байгууллагад элсэн суралцагчдын эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшин тогтоох Монгол хэл бичгийн шалгалт 2024 оны дөрөвдүгээр сарын 06-ны өдөр 10:00-11:40 цагт зохион байгуулагдана.

Монгол хэл бичгийн шалгалт нь нийт 50 оноотой бөгөөд 100 минут үргэлжилнэ. Шалгалтад,

• Уншаад ойлгох чадвар
• Зөв бичих чадвар
• Монгол бичгээр унших чадвар
• Эх зохион найруулах чадвар зэрэг дөрвөн гол агуулгатай. Эдгээрээс эх зохион найруулах чадвар 20 онооны даалгавар юм.