Хөдөлмөр, нийгмийн хамгааллын яам, Нийгмийн даатгалын ерөнхий газар иргэдийн санал, хүсэлт, өргөдөл, гомдолд хууль тогтоомжийн хүрээнд хариу өгч, төрийн үйлчилгээг түргэн шуурхай хүргэх зорилгоор Засгийн газрын Иргэд, олон нийттэй харилцах 11-11 төвд ажиллалаа.
ХНХ-ын сайд Х.Булгантуяа: "Нийгмийн даатгалын системийн шинэчлэлтэй холбоотойгоор иргэн, аж ахуй нэгжүүдэд мэдээлэл өгч ажиллаж байна. 2024 оны нэгдүгээр сарын 1-ний өдрөөс эхлэн хэрэгжиж эхэлсэн шинэ хуультай холбоотой асуулт нэлээн их ирж байна. Жишээ нь ахмадын тэтгэврийн 7 жилийг 5 жил болгон тогтоосон. Үүнтэй холбоотой асуултууд ирлээ.
Байгууллагууд дээр очиж нүүр тулж үйлчилгээ авах гэхээсээ илүү цахимаар, гар утсаар холбогдож үйлчилгээгээ авдаг болсон байна. 11-11 төвөөр дамжиж иргэдийн санал гомдлыг авдаг ч шийдвэрлэх хугацаа нь өөр өөр байдаг. Үүнийг иргэд ойлгох хэрэгтэй" гэв.
Шууд дамжуулалтыг үзэх: