АНУ-ын Сенат ТикТокыг Америкт хориглох хуулийн төслийг баталснаар ТикТок-ын Хятад толгой “ByteDance” компани аппликейшны хувьцааг зургаан сарын дотор зарах ба хэрэв борлуулахаас татгалзвал АНУ-ын бүх программ дээр ажиллах боломжгүй болох юм.
Тус хуулийн төсөл хууль тогтоогчдоос өргөн дэмжлэг авч 79 сенат дэмжиж, 18 нь эсрэг санал өгснөөр батлагдсан байна.
Одоо уг хуулийн төслийг АНУ-ын Ерөнхийлөгч Жо Байденд хүлээлгэн өгөх бөгөөд өмнө нь Байден тус хуулийн төсөл өөрийнх нь ширээн дээр очсон даруйд гарын үсэг зурахаа амлаж байсан билээ.
АНУ-ын хууль тогтоогчид ТикТок дахь Хятадын нөлөөний талаар ихээхэн санаа зовниж, удаа дараа сонсголд дуудаж байсан. Учир нь АНУ-ын 150 сая хэрэглэгчийн хувийн мэдээллийг Хятадын тусгай албадад дамжуулах боломжтой гэж үздэг байна. Улмаар ТикТокыг Америкт хориглох хуулийн төсөл ийнхүү батлагдлаа.