Н.Буяндэлгэр
Урлаг соёл, шуурхай албаны сэтгүүлч
Нийгэм
2024.05.17 16:06
1828
Гарал үүсэл нь тодорхойгүй 14,800 ширхэг өндгийг хураан авчээ

Салбарын хяналтын газар, Мал эмнэлгийн ерөнхий газар хамтран “Импортын хүнсний өндөгний худалдаа, хадгалалт, тээвэрлэлт, бүтээгдэхүүн үйлдвэрлэлд хяналт шалгалт хийх тухай” удирдамжийн хүрээнд нийслэлийн нутаг дэвсгэрт үйл ажиллагаа эрхэлж буй хүнсний зах, худалдааны төв, хүнсний бүтээгдэхүүн үйлдвэрлэгч, ачаа тээвэр логистикийн үйл ажиллагаа эрхлэгчдийг хамруулсан төлөвлөгөөт бус хяналт шалгалтыг 2024 оны 05 дугаар сарын 07-13-ны өдрүүдэд гүйцэтгээд байна.  

Хяналт шалгалтад нийслэлийн 8 дүүргийн 93 аж ахуй нэгж, иргэн хамруулав. Шалгалтаар гарал үүсэл тодорхойгүй, хаяг шошго, лабораторийн шинжилгээний сорилын дүнгүй зэрэг зөрчлийг илрүүлж, 14,800 ширхэг өндгийг хураан авч, битүүмжлээд байна. Илрүүлсэн зөрчлийн хүрээнд зөрчил шалган шийдвэрлэх ажиллагааг хийж байна гэж Хүнс, хөдөө аж ахуй, хөнгөн үйлдвэрийн яамнаас мэдээлээ.