Б.Нарангоо
Ерөнхий редактор
Нийгэм
2024.06.05 14:37
1821
Баян шувууны үйлдвэрт гарсан галын улмаас өндөглөгч тахиан 40 хувь галд өртжээ
Төв аймгийн Баянчандмань сумын Чандмань баг дахь шувууны аж ахуйн байшин шатаж байна гэсэн дуудлага өчигдөр буюу зургаадугаар сарын 04-ний 04:52 цагт ирсэн. Дуудлагын дагуу Сонгинохайрхан дүүргийн Гал түймэр унтраах, аврах 26 дугаар анги, Баянгол дүүргийн Онцгой байдлын хэлтсийн 18 дугаар анги, Төв аймгийн Батсүмбэр сум дахь 84 дүгээр ангийн алба хаагчид ажиллаж байна. Алба хаагчдыг очиход шувууны үйлдвэрийн 18х110 метрийн хэмжээтэй есөн сендвичэн барилгын дөрөв нь галд өртсөн байдалтай байсан бөгөөд үүний гурав нь агуулах, нэг нь оффисын зориулалттай барилга юм. 
Харин ОБЕГ-аас 11:16 цагт өгсөн мэдээллээр шувууны аж ахуйд гарсан гал түймрийн тархалтыг зогсоож, 14:20 минутанд галыг бүрэн унтраасан байна. 

Уг гал түймэрт тус үйлдвэрийн 18х110 метрийн хэмжээтэй гурван шувуу үржүүлгийн байр, оффисын нэг барилга өртөж, нийт өндөглөгч тахианы 40 хувь галд өртжээ.