Узбекстан улсын Ташкент хотод зохион байгуулагдаж байгаа Дэлхийн цомын аварга шалгаруулах тэмцээн үргэлжилж байна. Дөрвөн жилд нэг удаа зохион байгуулагддаг тулааны спортын их наадамд манай улсын 82 тамирчин , 5 дасгалжуулагч, 3 олон улсын шүүгч гээд нийт 90 хүний бүрэлдхүүнтэй оролцож байна.

Тэмцээний эхний өдрийн гараагаа  Монголын баг тамирчид 21 медалтайгаар амжилттай эхлүүллээ.

Тухайлбал Түли төрөлд хамгийн бага 6-7 насны ангилалд Манай улсын тамирчин Жанчивнямбуугийн Энхбаатар алтан медалийн болзол хангаж медалийн буухиаг эхлүүлсэн юм. Ж.Энхбаатар нь “Олонлог эгзэ” дунд сургуулийн 2В ангид суралцдаг. Тэрээр “Мөнх хөх сүлд” клубд дасгалжуулагч багш Д.Аюурзанийн удирдлаганд дор 4 настайгаасаа эхлэн хичээллэж байгаа бөгөөд олон уралдаан тэмцээнд амжилттай оролцож ирсэн түүхтэй.

Тухайлбал :

2022 оны Улсын аварга шалгаруулах тэмцээний алтан медал

2023 оны Улсын аварга шалгаруулах тэмцээний хүрэл медал

2023 оны Улаанбаатар хотын аварга шалгаруулах тэмцээний алтан медал

2024 оны Улсын аварга шалгаруулах тэмцээний алтан медалуудын эзэн юм.

Энэ удаагийн “ Дэлхийн цомын аварга шалгаруулах” тэмцээнд Монгол улсын баг тамирчид эхний хоёр өдрийн байдлаар 19 алт, 13 мөнгө , 12 хүрэл медалийн болзолыг хангаж нийт 44 медалтайгаар амжилттай оролцож байна.